Huis van Habsburg

Huis van Habsburg
Vlag van die Huis van Habsburg
Land	Meksiko, Oostenryk, Spanje
Stigter	Otto II
Laaste heerser	Karel I van Oostenryk
Gestig	12de eeu
Einde van bewind	1918
Rede	Novemberrewolusie
Titels	Keiser van die Heilige Romeinse Ryk, Keiser van Meksiko, Keiser van Oostenryk, Koning van Hongarye, Koning van Boheme, Koning van Kroasië-Slawonië en Dalmasië, Koning van Portugal, Koning van Spanje

Die Huis van Habsburg is ’n ou en belangrike Oostenrykse vorstehuis wat eeue lank keisers, konings, grawe en hertoë opgelewer het. Die naam van die dinastie is afgelei van die Habsburg, 'n kasteel in die huidige Switserse kanton Aargau. Die oudste dokument, waarin na die dinastie verwys word, dateer van 1108.^[1]

Tans is daar sowat 600 persone wat die adellike familienaam von Habsburg dra. Karl von Habsburg (Karl Habsburg-Lothringen, * 1961^[2]), die oudste seun van Oostenryk-Hongarye se laaste kroonprins Otto von Habsburg (1912−2011), het as hoof en spreker van die Huis van Habsburg gefungeer en die familie se gedragskode toegepas.^[3] Alhoewel die Huis van Habsburg tradisioneel aanhangers van die Rooms-Katolieke Kerk was, is daar tans ook Protestantse lede.

1. ↑ Historisches Lexikon der Schweiz: Habsburg, von. Besoek op 2 Maart 2017
2. ↑ Republik Österreich - Parlament. Biografie von Karl Habsburg-Lothringen. Besoek op 21 Mei 2017
3. ↑ Dietmar Pieper, Johannes Saltzwedel (reds.): Die Welt der Habsburger. Glanz und Tragik eines europäischen Herrscherhauses. Sagtebanduitgawe. München: Wilhelm Goldmann 2011, bl. 29