National Trust

National Trust for Places of Historic Interest or Natural Beauty
Afkorting	National Trust
Leuse	For ever, for everyone
Stigting	12 Januarie 1895
Regsstatus	Trust
Doelwit	To Look after Places of Historic Interest or Natural Beauty permanently for the benefit of the nation across England, Wales and Northern Ireland
Hoofkwartier	Swindon, Verenigde Koninkryk
President	S.K.H. Charles, Prins van Wallis
Direkteur-generaal	Hilary McGrady
Voorsitter	Tim Parker
Visevoorsitter	Orna NiChionna
Hooforgaan	Raad van Trustees
Personeel	12 000
Vrywilligers	61 000
Ledetal	5,6 miljoen (2019)
Webtuiste	National Trust

Die National Trust for Places of Historic Interest or Natural Beauty, algemeen bekend as National Trust, is 'n Britse bewaringsorganisasie sonder winsbejag wat op 12 Januarie 1895 gestig is. Die organisasie is deur wette soos die National Trust Act van 1907 deur die staat as statutêre liggaam erken en in Engeland, Wallis en Noord-Ierland werksaam. Skotland het sy eie onafhanklike National Trust for Scotland wat in 1931 gestig is.

Die National Trust se werksaamhede het oorspronklik op Engelse herehuise gefokus wat steeds die grootste aandeel van sy besittings verteenwoordig, maar die organisasie beskerm daarnaas ook historiese landskappe soos in die Engelse Meredistrik (Lake District), historiese stedelike eiendomme en natuurreservate. As grootste grondbesitter in Engeland, Wallis en Noord-Ierland bestuur die Trust 'n groot verskeidenheid historiese monumente, waaronder geboue en tuine, nywerheidsmonumente asook historiese plekke wat 'n belangrike rol in die sosiale geskiedenis gespeel het.

Die publiek het vrye toegang tot die meeste eiendomme en natuurreservate wat deur die Trust bestuur word. Volgens sy ledetal is dit die grootste vereniging in die Verenigde Koninkryk, asook een van die grootste welsysnsorganisasies in die land ten opsigte van sy bates en inkomste.