Serer (volk)

Serer
'n Kulturele Sererfees in Senegal
Totale bevolking:	ca. 1,8 miljoen
Belangrike bevolkings  in:	Senegal 1,84 miljoen[1]  Gambië 53 567[2]  Mauritanië 3 500[3]
Taal:	Serer, Frans, Engels, Arabies
Geloofsoortuiging:	Islam, Christendom
Verwante etniese groepe:	Diola, Lebu en Wolof

Die Serer is 'n etniese groep inheems aan Wes-Afrika wat Serer as moedertaal praat. Hulle leef veral in die drie lande Senegal, Gambië en Mauritanië. In Senegal vorm hulle met sowat 16% die derde grootste etniese groep van dié land ná die Wolof en die Fula.^[4] In Gambië vorm hulle sowat 3,5% van die bevolking, die sesde grootste etniese groep ná die Mandinka (33,3%), Fula (18,2%), Wolof (12,9%), Diola (11%) en die Soninke (7,2%).^[5] In Mauritanië bevolk hulle veral die suidelike gebiede langs die Sénégalrivier.

Die Serer is veral bekend vir hul Serer-geloof. Tydens die koloniale tydperk is dié tradisionele Afrika-godsdiens egter merendeels deur die Islam vervang.

1. ↑ (en) "Senegal Population 2019". World Population Review. Besoek op 17 Junie 2019.
2. ↑ (en) "2013 Population and Housing Census: Spatial Distribution" (PDF). Gambiese Statistiekkantoor. 30 April 2005. Geargiveer vanaf die oorspronklike (PDF) op 3 Januarie 2018. Besoek op 3 Januarie 2018.
3. ↑ (en) "What Is The Ethnic Composition Of Mauritania?". World Atlas. 16 Augustus 2019. Besoek op 18 Junie 2021.
4. ↑ (en) "Senegal". Central Intelligence Agency. Besoek op 28 April 2024.
5. ↑ (en) "Gambia, The". Central Intelligence Agency. Besoek op 28 April 2024.