Ellesmere-eiland

Ellesmere-eiland Inheemse naam: Ellesmere Island Umingmak Nuna
Nasa-Satellietbeeld van die Ellesmere-eiland
Geografie
Ligging	Noord-Kanada, Arktiese Oseaan
Koördinate	79°50′N 80°00′W / 79.833°N 80.000°W / 79.833; -80.000
Argipel	Koningin-Elizabeth-eilande (Kanadese Arktiese Argipel)
Oppervlakte	196 235 vk km
Hoogste punt	Barbeau Peak 2 616 m
Administrasie
Kanada
Gebied	Nunavut
Grootste stad	Grise Fiord (141)
Demografie
Bevolking	146
Bevolkingsgroepe	Inuïete
Die wêreld se tiende grootste eiland en die derde grootste eiland van Kanada en die Kanadese Arktiese Argipel

Ellesmere-eiland (Engels: Ellesmere Island, Inuktitut: Umingmak Nuna), die wêreld se tiende grootste eiland en die derde grootste eiland van Kanada en die Kanadese Arktiese Argipel, beslaan 'n oppervlakte van 196 235 km². Die eiland is in die noorde van Kanada in die Arktiese Oseaan geleë en maak deel uit van die gebied Nunavut. Ellesmere-eiland grens in die noordooste aan die Lincolnsee, in die ooste aan die Nares-straat en in die suidooste aan die Baffinbaai; in die ooste is Groenland, in die suide Devon-eiland en in die weste Axel-Heiberg-eiland geleë. Op die eiland is Kanada se noordelikste punt, Kaap Columbia, en die noordelikste nedersetting ter wêreld, Alert, geleë. Ellesmere-eiland is die noordelikste eiland van Kanada en die Kanadese Arktiese Argipel en genoem na die Britse politikus en skrywer Francis Egerton, die eerste graaf van Ellesmere.