Golfoorlog

Persiese Golfoorlog
Kloksgewys van bo: USAF F-15Es, F-16s, en 'n USAF F-15C vlieg oor brandende Koeweitse oliebronne; Britse troepe uit die Staffordshire Regiment tydens "Operation Granby"; kamera van 'n Lockheed AC-130; Die "snelweg van die dood"; 'n M728 Combat Engineer Vehicle.
Datum 2 Augustus 1990 – 28 Februarie 1991[1] Ligging Irak, Koeweit, Saoedi-Arabië en Israel Resultaat Beslissende Koalisie-oorwinning Irakse onttrekking uit Koeweit; Emir Jaber III word herstel Handelsanksies teen Irak Swaar verliese en vernietiging van Irak en Koeweit se infrastrukture Instelling van Irakse geenvliegsones
Strydende partye
Koalisie magte:  Koeweit  Verenigde State  Saoedi-Arabië  Verenigde Koninkryk  Frankryk en andere	Irak Republiek van Koeweit
Aanvoerders
Jaber Al-Ahmad Al-Jaber Al-Sabah George H.W. Bush Colin Powell Norman Schwarzkopf John Yeosock Walter Boomer Charles Horner Stanley Arthur Koning Fahd Khalid bin Sultan[2][3] Margaret Thatcher John Major	Saddam Hoesein Ali Hassan al-Majid Salah Aboud Mahmoud Hussein Kamel al-Majid
Sterkte
956 600, insluitend 700 000 VS-Troepe[4][5]	650 000 soldate
Ongevalle en verliese
Koalisie: 147 vermoor deur vyandelike aksies, 145 nie-vyandige sterftes, 467 gewond in aksie Totaal: 292 gesneuweldes 458[6] Koeweit: 200 gesneuweldes[7]	20 000–35 000 gesneuweldes 75 000+ gewondes[6]
Koeweitse burgerlike verliese: Meer as 1 000 gesneuweldes[8] 600 vermiste persone[9] Irakse burgerlike verliese: Oor 3 664 gesneuweldes[10] Ander burgerlike verliese: 300 burgerlikes dood, meer beseer[11]

Die Persiese Golfoorlog (2 Augustus 1990 - 28 Februarie 1991) was 'n oorlog wat deur 'n koalisie van 34 lande onder leiding van die Verenigde State van Amerika teen Irak gevoer is. Die oorlog was 'n reaksie op die Irakse inval en anneksasie van Koeweit op 1 Augustus 1990.

Die oorlog begin met Operation Desert Shield (2 Augustus 1990 - 17 Januarie 1991) vir die opbou van troepe en die verdediging van Saoedi-Arabië. Dit is gevolg met Operation Desert Storm (17 Januarie 1991 – 28 Februarie 1991) vir die inval en bevryding van Koeweit.

Die grootste deel van die koalisie se militêre magte was vanuit die VSA afkomstig, met Saoedi-Arabië, die Verenigde Koninkryk en Egipte as die grootse bydraers (in die orde). Dit was die grootste militêre alliansie sedert die Tweede Wêreldoorlog. Saoedi-Arabië het sowat VS$ 36 miljard van die VS$ 60 miljard koste gedra.^[12]

Die oorlog is gekenmerk deur lewendige nuus wat vir die eerste keer vanuit die voorste linies van die stryd uitgesaai is, hoofsaaklik deur die Amerikaanse CNN-netwerk.^[13][14] Tydens Operasie Desert Storm is beelde van Amerikaanse bomwerpers en hulle teikens daagliks gebeeldsend.^[15][16]

Die aanslag om Irakse troepe uit Koeweit te verdryf begin op 17 Januarie 1991 met lugaanvalle. Dit word op 24 Februarie met 'n grondinval opgevolg. Die koalisie behaal 'n beslissende oorwinning, wat Koeweit bevry en Irakse grondgebied binnedring. Een honderd uur na die grondinval verklaar die koalisie 'n skietstilstand. Lug- en grondaanvalle was beperk tot Irak, Koeweit, en gebiede op Saoedi-Arabië se grens. Irak het Scudmissiele teen koalisieteikens en teen Israel geloods.

In April 1991 keur die Verenigde Nasies resolusie 687 goed wat 'n formele skietstilstand bewerkstellig. Die omstredenheid oor die toepassing hiervan en daaropvolgende resolusies lei 12 jaar later tot die uitbreek van die Irakse Oorlog.

1. ↑ "Historical Events on 30th November" (in Engels). Historyorb.com. Geargiveer vanaf die oorspronklike op 14 Julie 2015. Besoek op 3 Augustus 2014.
2. ↑ (en) www.casi.org.uk/discuss Geargiveer 3 Maart 2016 op Wayback Machine
3. ↑ (en) www.thefreelibrary.com Geargiveer 30 April 2011 op Wayback Machine
4. ↑ "www.nationmaster.com" (in Engels). 5 November 2013. Geargiveer vanaf die oorspronklike op 5 November 2013.
5. ↑ (en) Hersh, Seymour (2005). Chain of Command. Penguin Books. p. 181.
6. ↑ ^{6,0 6,1} "Persian Gulf War". MSN Encarta (in Engels). Geargiveer vanaf die oorspronklike op 25 Julie 2019.
7. ↑ (en) Iraqi Invasion of Kuwait; 1990 (Air War). Acig.org. Besoek op 3 Augustus 2014.
8. ↑ "The Use of Terror during Iraq's invasion of Kuwait" (in Engels). The Jewish Agency for Israel. Geargiveer vanaf die oorspronklike op 2 Desember 2008. Besoek op 3 Augustus 2014.
9. ↑ (en) "Kuwait: missing people: a step in the right direction". Red Cross. Geargiveer vanaf die oorspronklike op 7 Maart 2016. Besoek op 3 Augustus 2014.
10. ↑ "The Wages of War: Iraqi Combatant and Noncombatant Fatalities in the 2003 Conflict" (in Engels). Project on Defense Alternatives. Geargiveer vanaf die oorspronklike op 19 Oktober 2019. Besoek op 3 Augustus 2014.
11. ↑ (en) Fetter, Steve; Lewis, George N.; Gronlund, Lisbeth (28 Januarie 1993). "Why were Casualties so low?" (PDF). Nature. London. 361 (6410): 293–296. doi:10.1038/361293a0. {{cite journal}}: Ongeldige |ref=harv (hulp)
12. ↑ (en) Peters, John E; Deshong, Howard (1995). Out of Area or Out of Reach? European Military Support for Operations in Southwest Asia (PDF). RAND Corporation. ISBN 0-8330-2329-2.
13. ↑ "Livraria da Folha – Livro conta como Guerra do Golfo colocou a CNN no foco internacional – 08/09/2010" (in Engels). .folha.uol.com.br. Geargiveer vanaf die oorspronklike op 9 Oktober 2019. Besoek op 13 Mei 2011.
14. ↑ (en) A Guerra do Golfo, besoek op 29 Maart 2011
15. ↑ (es) A Guerra do Golfo, os Estados Unidos e as Relações Internacionais, besoek op 29 Maart 2011.
16. ↑ (es) Guerra/Terrorismo – O maior bombardeio da história Geargiveer 26 April 2012 op Wayback Machine, besoek op 27 November 2011.