Pwasa

Pwasa of poewasa (van Sanskrit: upvaasa) is een van die belangrikste aspekte van Islam. Dit beteken om te vas. Die vas word uitgevoer volgens die Islamitiese jurisprudensie (Fikh). In die Islamitiese reg beteken pwasa om nie te eet en te drink gedurende die dag nie. Hierdie vas vind plaas gedurende die heilige maand van Ramadan. Dit word beskou as een van die Vyf Pilare van die Islam.