Arabies

Hierdie artikel handel oor die taal. Vir die etniese groep, sien Arabiere.

Arabies العَرَبِية / عربي ,عربى ʻarabī / al-ʻarabiyyah
Uitspraak:	[alʕaraˈbijja], [ˈʕarabiː]
Gepraat in:	Algerië  Bahrein  Djiboeti  Egipte  Eritrea  Ethiopië  Gambië  Irak  Iran  Israel  Jemen  Jordanië  Katar  Koeweit  Libanon  Libië  Mali  Marokko  Mauritanië  Oman  Palestynse Owerheid  Saoedi-Arabië  Sirië  Soedan  Somalië  Suid-Afrika[1]  Suid-Soedan  Tanzanië  Tsjad  Tunisië  Turkye  Verenigde Arabiese Emirate  Wes-Sahara
Gebied:	Noord-Afrika en Wes-Asië
Totale sprekers:	242 miljoen[2]
Rang:	5
Taalfamilie:	Afro-Asiaties  Semities   Wes-Semities    Arabies
Skrifstelsel:	Arabiese alfabet
Amptelike status
Amptelike taal in:	Verenigde Nasies Afrika-unie Organisasie van Islamitiese Samewerking Arabiese Liga  Algerië  Bahrein  Djiboeti  Egipte  Eritrea  Irak  Israel  Jemen  Jordanië  Katar  Koeweit  Libanon  Libië  Marokko  Mauritanië  Oman  Palestynse Owerheid  Saoedi-Arabië  Sirië  Soedan  Somalië  Tsjad  Tunisië  Verenigde Arabiese Emirate  Wes-Sahara
Gereguleer deur:	Instituut vir Arabies
Taalbedreigingstatus
Uitgesterf EXUitgestorwe taal Bedreig CRKrities bedreigde SEErg bedreigde DEBedreigde VUKwesbare    Veilig    NE Nie bedreig nie Dit is nie 'n bedreigde taal volgens die UNESCO-wêreldatlas van bedreigde tale.
Taalkodes
ISO 639-1:	ar
ISO 639-2:	ara
ISO 639-3:	ara
Nota: Hierdie bladsy kan IFA fonetiese simbole in Unicode bevat.

Arabies (العَرَبِية‎, al-ʻarabiyyah [alʕaraˈbijja] luister (hulp·inligting) of عربي ,عربى‎ ʻarabī [ˈʕarabiː] luister (hulp·inligting)) is die taal van die Arabiere, wat ook die hooftaal in Noord-Afrika, die Midde-Ooste en die Horing van Afrika is.^[3] Dit is 'n Semitiese taal wat deur 242 miljoen mense as hulle moedertaal beskou word en deur vele meer as ampstaal en/of liturgiese taal aangewend word. Dit word as sesde werkstaal van die Verenigde Nasies erken. Arabies is die amptelike taal van 28 lande, die derde meeste naas Engels en Frans. Daarbenewens is dit 'n belangrike minderheidstaal in lande soos Iran en Turkye. Arabies word in die Arabiese alfabet geskryf.

Arabies bevat verskeie dialekte, waarvan Egiptiese Arabies die belangrikste is. Amper elke Arabiestalige land beskik oor sy eie dialek. As gevolg van die Arabiese diaspora (verspreiding) het die Arabiese taal ook in lande soos Argentinië, Brasilië, Frankryk, Italië en Spanje gevestig geraak.

Arabies is die liturgiese taal van Islam en byna elke Moslem verstaan Arabies en kan die Arabiese alfabet lees. Dit was die profeet Mohammed se moedertaal en die Koran is in Arabies geskryf. Daarbenewens gebruik Arabiese Christene ook Arabies en Maltees, die amptelike taal van die merendeels Rooms-Katolieke Malta. Maltees het uit 'n Arabiese dialek ontwikkel.

1. ↑ Artikel 5, Grondwet van die Republiek van Suid-Afrika
2. ↑ (en) "Ethnologue: Languages of the World, Seventeenth edition, Arabic". Ethnologue. Geargiveer vanaf die oorspronklike op 15 April 2020. Besoek op 19 April 2016.
3. ↑ HAT Taal-en-feitegids, Pearson, Desember 2013, ISBN 978-1-77578-243-8